Folga dicir que a opción máis económica é atopar un supermercado e aproveitarse das ofertas da semana, nembargantes non sempre é tan doado dar con estes establecementos e ata pode ser que despois de varias xornadas a base de bocadillos o corpo pida algo quentiño, e entón caemos na tentación de comer tranquilamente sentad@s mentres alguén nos traia a comida.
É por iso que aí van uns consellos froito da experiencia:
1) É evidente mais non por iso convén obvialo: non entres nun garito na praza máis visitada da localidade.
2) Se hai carta escrita en varias linguas, esquéceo -especialamente se as linguas son inglés e alemán-.
3) Se ves a xente con pinta de estudiante papando, toma nota. Alomenos garantizas prezos asequibles.
4) Se hai unha excursión do Inserso ou similar, pasa de entrar.
5) Mira ben os prezos na táboa de prezos. Controla que teñen o IVE e que non haxa que cobrar por cuberto.
6) Procura pedir comida típica. Aínda que sexa rudimentario, o método de sinalar co dedo o que ten a mesa do lado pode evitar sorpresas desagradables.
Pero tamén hai que ter en conta que a gastronomía forma parte das culturas, así que reserva algo para degustar os manxares de cada lugar.
E por último, algunha lata de mexillóns na mochila nunca sobra!
Nenhum comentário:
Postar um comentário